Ngayong araw ay isinagawa ang pamamahagi ng financial assistance para sa tinatayang 343 benepisyadong mangingisda mula sa Bayan ng Balete

 BARANGAY MAKINA COVERED COURT

Agosto 11, 2025

Ngayong araw ay isinagawa ang pamamahagi ng financial assistance para sa tinatayang 343 benepisyadong mangingisda mula sa Bayan ng Balete na naapektuhan ang kabuhayan dulot ng isyu ng Missing Sabungero na pinaniniwalaang inilibing sa Taal Lake.

Ang tulong na ito ay mula sa Pamahalaang Panlalawigan ng Batangas sa pangunguna ni Gov. Vilma Santos-Recto, kasama ang mga pinuno ng iba’t ibang tanggapan gaya ng Provincial Administrator, Provincial Agriculturist, PACD, PSWDO, PHO at iba pa.

Si Mayora Lally Maralit ang nagsilbing kinatawan ni Mayor Wilson V. Maralit na taos-pusong nagpapasalamat sa Pamahalaang Panlalawigan, lalo na kay Gov. Vilma Santos-Recto at kay Finance Secretary Ralph G. Recto, para sa patuloy na malasakit sa mga Baleteño.

Dumalo rin sa aktibidad na ito ang mga miyembro ng Sangguniang Bayan at mga Punong Barangay ng Balete upang ipakita ang kanilang suporta sa mga mangingisda ng ating bayan.

Muli po, ang Lokal na Pamahalaan ng Balete ay taos-pusong nagpapasalamat sa walang sawang pagtulong at pagkalinga sa ating mga kababayan!

Larawan mula sa Batangas PIO at Municipal Staff